TSH/ Që nga fillimi i fushatës “Shqipëria buzëqesh” janë kryer 2 008 460 vaksinime antikovid në gjithë vendin.
Lajmin e bëri të ditur ministrja e Shëndetësisë dhe Mbrojtjes Sociale, Ogerta Manastirliu teksa publikoi mbrëmjen e së hënës shifrën e vaksinimit në total.
Manastirliu tha se vetëm ditën e sotme janë kryer 8 356 vaksinime anti-COVID.
Të shtunën mbërritën në Shqipëri edhe 74,880 doza të vaksinës Pfizer, pjesë e kontratës së dytë të qeverisë shqiptare me kompaninë. Deri tani kanë mbërritur në vendin tonë 2,646,720 vaksina anti-COVID.
Nga 1 nëntori e deri sot janë më shumë se 28 mijë qytetarë kanë marrë dozën e tretë të vaksinës, si një garanci më shumë për të qenë të mbrojtur. Ndërsa prej 1 nëntorit sipas udhëzimit të Komitetit të Ekspertëve ka nisur edhe vaksinimi i fëmijëve 12-15 vjeç me probleme të sistemit imunitar.
Prej fillimit të vaksinimit janë kryer në total 1,047,822 doza të vaksinës ndaj COVID-19, ku 1,047,822 doza të para, 924,194 doza të dyta dhe 28,088 doza të treta.
ata