Policia kufitare e Rinasit ka ndaluar fluturimin e një avioni ku në bordin e tij ndodheshin 200 pasagjerë, pasi kapiteni i mjetit flutues kishte konsumuar alkool. Emilio leone, 47 vjeç pas kërkesës së kompanisë ajrore i është bërë testi i alkoolit dhe kapiteni kishte konsumuar alkool në masën 0.35 mg/l testi i parë dhe 0,31mg/l testi i dytë. Polcia e rinasit u njoftua nga kolegu i kapitenit, i cili kërkoi që ti bëhej testi i alkoolit spanjollit emilio leone. Kompania ka marrë masat duke zëvendësuar pilotin me një tjetër dhe për këtë shkak është shtyrë fluturimi për 5 orë më vonë. Leone po hetohet në gjendje të lirë nga prokuroria e rrethit gjyqësor Tiranë.
Njoftimi i Policisë
Policia Kufitare e Rinasit e angazhuar për sigurinë e jetës së pasagjerëve të linjave ajrore. Bllokohet nga Policia Kufitare fluturimi i një avioni, pasi kapiteni kishte konsumuar alkool. Procedohet penalisht në gjendje të lirë shtetasi spanjoll E. L., 47 vjeç.
Shtetasi E. L., është kapiteni dhe në kohën që pasagjerët kanë qenë duke hipur në avion kolegu i tij ka njoftuar Policinë Kufitare të Rinasit dhe kompaninë që kapiteni ka kosumuar akoool në masë të madhe.
Policia Kufitare ka ndërhyrë menjëherë duke bllokuar fluturimin dhe ka kthyer pasagjerët në tranzit.
Shtetasit E. L., pas kërkesës së kompanisë ajrore i është bërë testi i alkoolit dhe nga bërja e testit të alkoolit kapiteni ka rezultuar pozitiv, pasi kishte konsumuar alkool në masën 0.35 mg/l testi i parë dhe 0,31mg/l testi i dytë.
Për sa mësipër pas konsultës me Prokurorin, shtetasi E.L, u procedua penalisht në gjëndje të lirë dhe materialet ju referuan Prokurorisë së Rrethit Gjyqësor Tiranë për veprime të mëtejshme për veprën penale ”Drejtim mjeti në mënyrë të parregullt”.
Kompania ka marrë masat duke zëvendësuar kapitenin (pilotin) me një tjetër dhe për këtë shkak është shtyrë fluturimi për 5 orë më vonë.
Policia e Shtetit gjen rastin të falenderoj stafin e avionit të linjës së radhës, si dhe kompaninë për mirëkuptimin dhe bashkëpunimin, si dhe pasagjerët e avionit për vonesën, por më mirë vonë po destinacion të sigurtë. abcnews
