Ditën e xhuma, më 11.09.2020, Myftiu i Shkodrës, Imam Muhamed B. Sytari, priti në një takim kortezie, ambasadoren e ShBA në vendin tonë, znj. Yuri Kim, me të cilën ndau mendime rreth besimit, dijes, urtisë e historisë, kulturës e trashëgimisë, vlerave të lirisë së besimit, shenjtërisë së jetës dhe respektimit të drejtave legjitime të tjetrit, kushdo qoftë ai!Shkodra, me elementët e saj përbërës, besimin, qytetarinë, diversitetin fetar e kulturor, trashëgiminë e vlerave, personalitetet emblematike, datat e shënuara dhe shpirtin e harmonisë, përtej tekave provinciale, ishte pjesë e rëndësishme e bashkëbisedimit në mes tyre.Myftiu dhe Ambasadorja u takuan dhe u ndanë në kufijtë e të bardhës, mesazheve të paqes e domosdoshmërisë së ruajtjes me dinjitet e krenari të besimit e fesë, urave që lidhin njerëzit e pjekur e vullnetmirë, dhe përkushtimit në rrugën e shërimit të lëngatave të mëdha që kanë pezmatuar shoqëritë e sotme njerëzore, atë shqiptare në veçanti!
Myftiu i Shkodrës pret ambasadoren e ShBA-së
