Komisioni Qendror i Zgjedhjeve mblidhet të hënën për dhënien e mandatit nga lista shumëemërore të deputetëve të PD-së në qarkun Berat, Tiranë dhe Korçë dhe të LSI-së në qarkun Lezhë, Durrës, Gjirokastër.
KQZ do të shqyrtoj projektvendimin për dhënien e mandatit të deputetit të Kuvendit të Shqipërisë, kandidatëve të listës shumëemërore të Partisë Demokratike, pas vakancave të krijuara nga dorëzimi i mandateve të Astrit Veliaj (Berat), Gent Strazimiri (Tiranë), Klevis Balliu (Korçë).
Po ashtu, KQZ do të japë mandatin e deputetit kandidatit të listës shumemërore të Partisë Lëvizja Socialiste për Integrim pas vakancave të krijuara nga dorëzimi i mandateve të Viktor Tushaj (Lezhë), Nora Malaj (Durrës), Vangjel Tavo (Gjirokastër).
Po ashtu, Komisioni Qendror i Zgjedhjeve do të shqyrtojë projektvendimin për regjistrimin si subjekt zgjedhor të “Partia Uniteti Kombetar”, “Partia Socialiste e Moderuar”, “Partia Emigracioni Shqiptar” dhe “Partia Kombëtare Konservatore Albania” për zgjedhjet për organet e qeverisjes vendore të datës 30 qershor 2019.
Gjithashtu, KQZ do të shqyrtoj projektvendimin për verifikimin e deklarimeve në formularin e vetëdeklarimit të kandidatëve nga listat shumëemërore për këshillat Bashkiak, në zbatim të ligjit nr.138/2015 ”Për garantimin e integritetit të personave që zgjidhen, emërohen ose ushtrojnë funksione publike”. ata
