Një histori përpjekjesh, përkushtimi intelektual dhe qytetar të shumë brezave për ruajtjen, pasurimin dhe vënien në shërbim të publikut, të dijes së kultivuar në shekuj.
Me këtë rast u inaugurua ekspozita me fonde të hershme të kësaj biblioteke.
Kjo veprimtari shënon njëkohësisht krijimin e Muzeut të Librit i cili do shërbejë edhe si një ndalesë e re në itineraret turistike të qytetit tonë.
Drejtori Maxhid Cungu i uroi mirëseardhjen të ftuarve si dhe evidentoi arritjet e bibliotekës dhe veçantitë e ekspozitës. Kryetarja e Bashkisë Voltana Ademi përshëndeti të pranishmit dhe shprehu mbështetjen ndaj institucionit dhe stafit të tij. Z. Gjovalin Çuni, ish drejtor i bibliotekës, foli për historikun e bibliotekave në Shkodër dhe vlerat e rralla që mbartin fondet e bibliotekës “Marin Barleti”.