Shërbimi postar në Ulqin u themelua në vitin 1880, ndërsa 32 vite më vonë, në vitin 1912 u miratua “Rregullorja për vozitjen me karrocë poste në aksin Tivar – Ulqin”.
Transporti i postës në mes Tivarit dhe Ulqinit deri në vitin 1909 është kryer në këmbë, gjegjësisht me kalë, pastaj me karrocë poste, gjersa nga qershori i vitit 1913 me automjet.
Pasi që në Ulqin u ndërtua stacioni postar, ai u bë qendër e rëndësishme përmes të cilit kalojnë, në formë tranziti, telegramet nga Evropa Perëndimore në Perandorinë Osmane dhe anasjelltas.
Ky lloj komunikacioni postar u zhvillua prej vitit 1881 deri në vitin 1912, kur u ndërpre për shkak të luftërave ballkanike.
