Partia Demokratike e Shqipërisë dënoi me ashpërsi sulmin me eksploziv ndaj pronës së kandidatit demokrat për bashkinë e Shkodrës, Xhemal Bushati.
“Për fat të mirë, familja e Bushatit, që banon në të njëjtën godinë, nuk ka lëndime fizike, por ngjarja është tronditëse për ta dhe për qytetarët e Shkodrës. Për fat të keq, gjendja e sigurisë në Shkodër ka vetëm përkeqësim për shkak të aleancës së qeverisë me krimin”, thuhet në një njoftim të PD-së.
Partia Demokratike u kërkon organeve ligjzbatuese të zbulojnë përgjegjësit e këtij agresioni, që prek drejtpërsëdrejti Xhemal Bushatin, një nga personalitetet më të respektuar të qytetit të Shkodrës.
“Kush mendon se mund të përkulë demokratët me sulme direkte ose indirekte, i ka bërë llogaritë gabim”, thuhet në njoftim. ata