Sekretari i Përgjithshëm i OKB-së Antonio Guterres tha se organizata botërore do të vihet në krye të përpjekjeve për t’iu kundërvënë gjuhës së urrejtjes në internet, pas sulmeve vdekjeprurëse në xhamitë e Zelandës së Re. Ku më 15 mars mbetën në vrarë 51 besimtarë gjatë sulmeve me armë nga një supremacist i bardhë nga Australia.
Sekretari Guterres i bëri komentet të martën, gjatë një vizite në xhamitë al-Noor dhe Linwood në qytetin e Christchurch.
Kryeministrja e Zelandës së Re, Jacinda Ardern, e cila u vlerësua në mbarë botën për përgjigjen e saj ndaj masakrës në Christchurch, po planifikon organizimin e një takimi global në Paris këtë javë, për të nxitur mbështetjen për të luftuar shprehjen e dhunës në internet.
