Kryeministrja britanike Theresa May do t’i kërkojë Bashkimit Evropian (BE) të rihapë marrëveshjen e tërheqjes nga Unioni (Brexit), njoftoi kryeministria.
Në një deklaratë, zyra e kryeministres May bën të ditur se ajo u ka thënë liderëve të BE-së për synimin e saj lidhur me rifillimin e negociatave të Brexitit për të miratuar marrëveshjen e saj në parlament.
Njoftimi erdhi në ditën kur ligjvënësit britanikë pritet të votojnë një sërë amendamentesh mbi marrëveshjen e tërheqjes dhe strategjinë e qeverisë për Brexitin.
BE-ja e ka thënë në mënyrë të përsëritur se nuk do të rinegociojë marrëveshjen dakorduar, por se do të kenë në konsideratë zgjatjen e procesit të Nenit 50.
Britania duhet të largohet nga BE më 29 mars, me përjashtim nëse zgjatet Neni 50.