“Kjo krizë do të zgjidhet jo mbi pazare, por mbi parime dhe rruga për të dalë prej saj kalon përmes standardeve europiane”, deklaroi sot kryetari i Partisë Demokratike, Lulzim Basha.
Duke komentuar protestën e mbrëmshme të opozitës, Basha tha se “oqeani i shpresës mbrëmë në Tiranë, ky bashkim madhështor i vullneteve të qytetarëve është besimi i çdo shqiptari tek ndryshimi që po vjen”.
“Kjo krizë do të zgjidhet jo mbi pazare, por mbi parime. Rruga për të dalë prej saj kalon përmes standarteve europiane: Para drejtësisë hajdutët e votave, largimi i Edi Ramës, reformë e thellë politike, dhe zgjedhje të lira e të ndershme. 30 qershori është varreza politike e Edi Ramës dhe Organizatës Kriminale të Rilindjes. Largimi i tij është vetëm fillimi”, tha ai.
Basha tha se “ne duhet të ndryshojmë thellësisht politikën dhe ekonominë bazuar mbi vlerat dhe parimet e demokracive të Perëndimit, që kurrë më, askush të mos marrë peng të ardhmen e shqiptarëve dhe fëmijëve të tyre duke shkrirë në një shtetin me krimin dhe oligarkinë”.
Vetëm në këtë mënyrë, sipas Bashës, do të garantojmë njëherë e përgjithmonë që Shqipëria të mos jetë më ajo që duan këta, por të jetë Shqipëria e të gjithë shqiptarëve”. ata
