Tensionimi në rritje i marrëdhënieve mes Moskës dhe Shteteve të Bashkuara të Amerikës tani arriti në dimensionin bërthamor.
Sipas pretendimeve të shtypit britanik, Rusia është duke marr masa ndaj ndonjë sulmi të mundshëm bërthamor nga ana e ShBA-së.
Sipas pretendimeve në fjalë Presidenti i Rusisë, Vladimir Putin ndërtoi strehimore nëntokësore për 12 milionë njerëz përball ndonjë lufte të mundshme bërthamore.
Rusia kishte pezulluar edhe marrëveshjen e arritur me ShBA-në për “shkatërrimin e plutoniumit”.
Vladimir Putin nënshkroi dekretin, me anë të të cilit anulohet marrëveshja e vendit të tij me ShBA-në për shkatërrimin e plutoniumit.
Si arsyetim për firmosjen e dekretit nga Putin tregohen “ndryshimet thelbësore të jetuara në kushtet dhe kërcënimet e formuara kundër stabilitetit strategjik si rezultat i sjelljeve armiqësore të SHBA-së ndaj Rusisë.”
Ndërsa arsyeja tjetër e këtij vendimi është se “Shtetet e Bashkuara të Amerikës nuk i përmbushën zotimet e tyre në lidhje me asgjësimin e plutoniumit”.
Rusia dhe Shtete e Bashkuara të Amerikës në vitin 2000 arritën në marrëveshje për uljen e stoqeve të kësaj lënde radioaktive. trt
