Është shoqëruar në komisariatin e Policisë së Peshkopisë kreu i bashkisë Shukri Xhelili, pas publikimit të një videoskandali ku ai i kërkonte favore seksuale një 20 vjeçareje në këmbim të një vendi pune. Burimet bënë të ditur se Xhelili është shoqëruar në polici në orët e para të mëngjesit, ndërsa burime nga Prokuroria e Dibrës bënë të ditur se pritet të dalë urdhër ndalimi për Shukri Xhelilin. Po ashtu sot në mëngjes kryeministri Rama ka firmosur vendimin e Këshillit të Ministrave për shkarkimin e Shukri Xhelilit nga detyra e kryetarit të bashkisë së Peshkopisë. Në motivacionin zyrtar të vendimit të Këshillit të ministrave thuhet se ky shkarkim bëhet për shkak të shkeljeve të rënda.
Video skandali, arrestohet Shukri Xhelili, Këshilli i Ministrave shkarkoi nga detyra kreun e bashkisë së Peshkopisë
