Presidenti i Republikës së Türkiyes, Recep Tayyip Erdoğan, njoftoi se Türkiye do të ndërtojë një aeroplanmbajtëse dyfishin e madhësisë së anijes aktuale turke TCG Anadolu.
Ai foli për sukseset e vendit të tij në fushën e industrisë së mbrojtjes, duke theksuar shembullin e luftanijes së parë turke TCG Anadolu.
“Türkiye do të ndërtojë një aeroplanmbajtëse dyfishin e madhësisë së anijes luftarake TCG Anadolu. Kështu që, ne do të kemi aeroplanmbajtëset tona në dete”, tha Erdoğan.
Ai shtoi gjithashtu se vazhdojnë të ndërmarrin hapa që do të ulin përgjithmonë inflacionin në njëshifror.
Türkiye është një nga dhjetë vendet që projektojnë, zhvillojnë dhe mirëmbajnë anijen e tyre luftarake.
Ndërtimi i anijes luftarake “TCG Anadolu” filloi në prill të vitit 2016 dhe përfundoi këtë vit. Rreth 70 për qind e anijes luftarake është ndërtuar me kapacitete lokale.
Anija “TCG Anadolu” mund të transferojë njësi me madhësi batalioni në një vend të caktuar me mbështetjen e vet logjistike, pa pasur nevojë për mbështetje bazë në shtëpi.
E ndërtuar në kantierin detar Sedef të Istanbulit, kjo anije luftarake mund të transportojë helikopterë, dronë, automjete tokësore, anije të lehta luftarake dhe personel.
Luftanija “TCG Anadolu” është 231 metra e gjatë dhe 32 metra e gjerë dhe mund të transportojë një ngarkesë prej rreth 27 mijë tonësh.
