Presidentit Rexhep Tajip Erdoan (Recep Tayyip Erdoğan) mbërriti për vizitë pune një ditore në Bosnjë-Hercegovinë.
Erdoan u prit në Aeroportin Ndërkombëtar të Sarajevës nga kryesuesi i presidencës treshe të Bosnjë-Hercegovinës, Bakir Izetbegoviç.
Më pas dy liderët kaluan në ndërtesën e Këshillit Presidencial.
Presidenti i Turqisë, në ndërtesën e presidencës, u prit nga qindra nënshtetas boshnjakë dhe turq që brohorisnin dhe mbanin në duar pankarta ku shkruhej “Mirëserdhe Reis”.
Erdoan dhe Izetbegoviç i përshëndetën ata së bashku.
Erdoan për një copë kohe bisedoi me veteranin e luftës së Bosnjës, Mujo Aganovic.
Pas takimeve kokë më kokë dhe ndërmjet delegacioneve do të mbahet një konferencë e përbashkët për shtyp.
Erdoan pas takimit në Presidencë do të vendos lule mbi varrin e presidentit të parë të Bosnjë-Hercegovinës, Alija Izetbegoviç ndërsa më pas do të marrë pjesë në Asamblenë e 6-të të Unionit Evropian të Demokratëve Turq (UETD), i cili do të zhvillohet në Sarajevë.
Gjatë kësaj vizite Erdoan shoqërohet nga bashkëshortja e tij Emine Erdoğan, zëvendëskryeministri i Turqisë Hakan Çavuşoğlu, ministri i Jashtëm Mevlüt Çavuşoğlu, ministri i Ekonomisë Nihat Zeybekci, ministri i Rinisë dhe Sporteve Osman Aşkın Bak, ministri i Kulturës dhe Turizmit Numan Kurtulmuş, ministri i Transportit, Detarisë dhe Komunikimit Ahmet Arslan dhe kryetari i Çështjeve Fetare të Turqisë (Diyanet) Ali Erbaş.