Samiti filloi me mbledhjen e Këshillit të Ministrave të Jashtëm të vendeve anëtare të Organizatës së Bashkëpunimit Islam.
Ministri i Jashtëm, Mevlut Çavusoglu bëri të ditur se të gjitha vendet duhet ta njohin Jerusalemin Lindor si kryeqytet i Palestinës.
Turqia mirëpret punimet e samitit të jashtëzakonshëm të Organizatës së Bashkëpunimit Islam (OBI).
Samiti filloi me mbledhjen e Këshillit të Ministrave të Jashtëm të vendeve anëtare të Organizatës së Bashkëpunimit Islam.
Në fjalën e tij të mbajtur në hapjen e mbledhjes së ministrave të Jashtëm, ministri Çavusoglu tha se “Ne të cilët e njohim Jerusalemin Lindor si kryeqytet të Palestinës, duhet ti inkurajojmë edhe vendet tjera që ta njohin shtetin e Palestinës mbi kufijtë e vitit 1967 me kryeqytet Jerusalemin Lindor”.
Shefi i diplomacisë turke gjithashtu shtoi se vendimi i Shteteve të Bashkuara të Amerikës për ta njohur Jerusalemin si kryeqytet të Izraelit legjitimon iniciativën e këtij të fundit për ta pushtuar këtë qytet.
“Ne nuk do të mbetemi të heshtur përballë kësaj tabloje”, deklaroi ministri i Jashtëm turk, Mevlut Çavusoglu.
TRT Shqip