Para pak minutash ka nisur një takim mes ambasadorit amerikan Donald Lu dhe liderit të opozitës Lulzim Basha. Takimi mes të dyve ka nisur në selinë e Partisë Demokratike.
Padyshim që situata e përkeqësuar e krizës politike është ajo që ka ulur në takim dy përfaqësuesit.
Protesta e opozitës vijon tashmë prej më shumë se një muaj dhe asnjëra nga palët nuk ka ndryshuar qëndrimet politike. Ambasadori Lu duhet thënë se përveç takimeve ka qenë më i rezervuar për t’u shprehur në lidhje me protestën.
Nga ana tjetër një zhvillim i rëndëishëm ka ndodhur mbrëmë përsa i përket koalicionit mes LSI-së dhe PS-së ku Rama dhe Meta kanë pasur një takim 4-orësh.
Java e ardhshme do të jetë shumë e rëndësishme pasi në datën 10 pritet të nisë në Parlament dhe procedura e zgjedhjes së Presidentit.
Ndërkohë që dhe mbajtja e zgjedhjeve në 18 qershor mbetet në pikëpyetje pasi opozita është shprehur për shtyrjen e tyre, PS e mohon në mënyrë kategorike dhe LSI që shprehet se pa opozitën nuk ka zgjedhje.
