Maqedoni, rreth 70 për qind e personave pa shtetësi janë të komunitetit rom

Në Maqedoni qindra qytetarë janë pa shtetësi, prej të cilëve mbi 70 për qind janë rom, tregon raporti “Romët përkasin – pa shtetësi, diskriminim dhe margjinalizim i romëve në Ballkanin Perëndimor dhe Ukrainë”, i paraqitur sot në Shkup.

Shoqata maqedonase e avokatëve të rinj me punë në terren prej vitit 2010 deri tani kanë identifikuar 664 raste të personave pa shtetësi, si dhe të lindur të paregjistruar, prej të cilëve rreth 70 për qind janë rom, thuhet në raport, përcjell Telegrafi Maqedoni.

Sipas Nina Marij nga Rrjeti evropian të personave pa shtetësi, në Evropë ka mbi 600 mijë persona pa shtetësi, ndërsa në gjithë botën numri arrinë në 10 milionë persona.

Në raport thuhet se në Maqedoni sipas informacioneve zyrtare jetojnë 53.879 rom ose 2.7 për qind nga popullsia e përgjithshme.

Aktualitet

Archives