FIFA po heton një ankesë të bërë nga Neymar në lidhje me një shpërblim të papaguar të besnikërisë nga skuadra e tij, në Barcelonë. Kjo e fundit po refuzon të paguajë 26 milionë euro, çka ishte përfshirë në kontratën e yllit brazilian, të cilën e nënshkroi me klubin Blaugrana tetorin e kaluar.
Klubi katalanas thotë se Neymar ishte në shkelje të kushteve të kontratës, sepse ka negociuar me PSG para transferimit të tij rekord botëror 222 milionë €. Kjo do të thotë se klauzola në marrëveshjen që përcakton bonusin është e pavlefshme. Babai i Neymar, i cili vepron si agjent i tij, akuzoi Barcelonën për “shantazh” në refuzimin e saj për të paguar dhe FIFA tani po shqyrton çështjen. Një zëdhënës i organit drejtues të futbollit botëror tha: “Çështja është në pritje dhe po hetohet. Si rezultat, ne nuk jemi në gjendje të komentojmë mbi të”.
Zëdhënësi i Barcelonës, Jordi Vives, pati thënë më parë: “Ka pasur tri kushte në bonusin e besnikërisë: një, ky lojtar nuk bën që të negociojë me një klub tjetër në tre muajt e fundit, para 31 korrikut. Dy, se ai do të shprehë publikisht angazhimin e tij për të përmbushur kontratën.
Tre, mbledhja do të bëhej më 1 shtator, për të siguruar që ai nuk shkonte në një klub tjetër. Tani që ne e dimë se asnjë prej këtyre tri kushteve nuk u përmbush, ne nuk do ta zbatojmë atë bonus”. Ankesa është një çështje e veçantë për padinë e Barçës kundër Neymar, e cila u njoftua të martën. Katalanasit e kanë paditur 25-vjeçarin për shkelje të supozuar të kontratës në prag të lëvizjes te PSG, duke kërkuar të paguajë përsëri një bonus, i cili i është dhënë për nënshkrimin e kontratës së tij të re vitin e kaluar, si dhe 8.5 milionë € dëme dhe 10 për qind shtesë interes.
