Rreth 2.500 protestues myslymanë kanë marshuar në Barcelonë për të dënuar terrorizmin. Tubimi nisi në Plaza de Catalunya, afër vendit ku ndodhi sulmi terrorist, ku dyshohet se një 22-vjeçar maroken përplasi këmbësorët me frurgon në Las Ramblas, duke vrarë 14 vetë dhe duke plagosur 100 vetë.
Komunitetet myslimane të Barcelonës u mblodhën të hënën në mbrëmje në shesh për të mbështetur viktimat dhe për të dënuar terrorizmin…, raportoi El Pais.
Ndërsa njerëzit u mblodhën në shesh, përfaqësesit e tre bashkësive islamike dhanë një deklaratë në katalanisht, spanjisht dhe arabisht, duke thënë se myslimanët hodhën poshtë dhunën dhe u ofruan mbështetje atyre që ishin plagosur gjatë sulmit.
Në pankartat e mbajtura nga turma shkruhej: “Ne jemi gjithashtu viktima”, “Terrorizmi nuk ka fe”, “Jo terrozimit.”
Ndërsa nisën marshimin, në një flamur të gjelbër shkruhej: “Ne jemi muslimanë, jo terroristë.”
Në marshim morën pjesë disa politikanë, Presidenti i parlamentit katalan Carme Forcadell, sekretari për marrëdhëniet e jashtme dhe institucionale të qeverisë katalanase Raul Romeva dhe zëvendëskryetari i parë i Barcelonës, Gerardo Pisarello.
