Neymari është bërë lojtari i 18-të në histori të Barcelonës që shënon së paku 100 gola. Ai shënoi golin e 100 me fanellën e Barcelonës në fitoren 4:1 ndaj Grandas. Këtë shifër Neymari e arriti me 177 paraqitje.
Prej këtyre 100 golave, vetëm gjashtë i ka shënuar me kokë, 24 me këmbën e majtë dhe 70 tjera me atë të djathtë. Kështu, Neymari la prapa Leo Messin sa i përket arritjes së 100 golave të parë me Barcelonën.
Messi kishte shënuar 100 gola për Barcelonën në 188 paraqitje, Neymari e arriti këtë shifër 11 paraqitje më pak. Por sot, pesë herë fituesi i “Topit të Artë”, Leo Messi, është golashënuesi më i mirë në histori të Barcelonës.