Një gomone e mbushur me drogë ka çarë ujërat detare të Shqipërisë duke hyrë më pas në ato italiane, pasi policia shqiptare dështoi në ndjekjen për ta kapur.
Policia e Shtetit konfirmon se forcat e saj ishin vënë në ndjekje të gomones me drogë dhe trafikantëve që gjendeshin brenda saj.
Ndjekja kishte nisur nga Orikumi por policia dështoi t’i lokalizojë dhe kapë pasi humbi gjurmët e saj.
Sot në mëngjes, gomonia mbërriti në veri të Otrantos, në Torre Chianca.
Policia shqiptare, i raportoi palës italiane mbi lëvizjen e gomones. Patrulla e Guardia di Finannza së Pulias (GdF) e ka gjetur në breg të detit gomonen e nisur na Shqipëria, me rreth 400 kg marijuanë.
Duket se gomonia është braktisur nga trafikantët.
Policia thotë se hetimet vijojnë për identifikimin e personave të përfshirë në këtë trafik.
